|
| Atope a información que precise utilizando o buscador avanzado da EGU.ES, escriba a palabra que desexe e prema o botón ''Buscar'', a páxina encontrará toda a información contida nas máis de 200.000 entradas da EGU. Tamén poderá buscar partindo de entradas en portugués, castelán, inglés ou alemán picando debaixo do buscador no idioma correspondente. Graciñas.
. Facendo dobre click sobre calquera palabra da enciclopedia verá a súa definición mediante o digalego.com. | |
|
|
     | pulmón 
(<
lat pulmōne < gr πνεύμων) |
 port:pulmão  cast: pulmón  ingl: lung |
| 1 | s m ZOOL Cada un dos sacos cegos que, xeralmente en número de dous, se localizan no
interior da maior parte dos anfibios e en todos os réptiles, aves e mamíferos,
con función respiratoria, aínda que por extensión tamén se denomina así a
outros órganos de misión respiratoria, pero de orixe ou constitución diferente,
como é o caso dos órganos dalgúns moluscos gasterópodos terrestres, a
filotraquea, tamén coñecida como pulmón en libro, dos
arácnidos, e, con máis propiedade, ás vexigas natatorias modificadas polos
peixes dipnoos. Os verdadeiros pulmóns son os dos vertebrados tetrápodos. Os
dos anfibios adultos son moi simples e levan a termo o intercambio gasoso xunto
coa pel do corpo e a da boca e a farinxe. Os movementos respiratorios nos
anfibios mediante a subida ou baixada da base da boca, provoca a entrada ou a
saída de aire nos pulmóns. Nalgúns réptiles e nas aves, á parte dos movementos
laterais, xa hai unha especie de diafragma. Nas aves, ademais, existen os
sacos aéreos, cavidades que, conectadas cos pulmóns,
permiten unha maior capacidade de intercambio gasoso, posto que fan que o aire
percorra un camiño máis longo tanto de saída como de entrada. Nos mamíferos
alcanzan maior grao de complicación e os movementos respiratorios efectúanos o
diafragma, os músculos intercostais e, nalgúns casos, os músculos abdominais. CFR: boche, bocho, bofe, bucho,
1 livián. |
| 2 | pulmón artificial/de aceiro/de ferro MED Aparato para manter a respiración artificial
durante un tempo prolongado. |
|
|
     
© 2008 Ir Indo Edicións. Todos os dereitos reservados.
|
| | 
Debuxo esquemático das partes de cada pulmón
|
|
.jpg){kind=small}
71%
29%
