|
| Atope a información que precise utilizando o buscador avanzado da EGU.ES, escriba a palabra que desexe e prema o botón ''Buscar'', a páxina encontrará toda a información contida nas máis de 200.000 entradas da EGU. Tamén poderá buscar partindo de entradas en portugués, castelán, inglés ou alemán picando debaixo do buscador no idioma correspondente. Graciñas.
. Facendo dobre click sobre calquera palabra da enciclopedia verá a súa definición mediante o digalego.com. | |
|
|
     | Real Club Celta de Vigo 
| |
| | Estadio de Balaidos. |
Club fundado o 23 de agosto de 1923 pola fusión do Real Vigo Sporting e o Fortuna. Viste camiseta e medias azul celeste e pantalón branco, e xoga os seus partidos como local no Estadio Municipal de Balaídos. O seu primeiro partido disputouno contra o Boavista no campo de Coia. Despois de disputar varios campionatos galegos, debutou en Primeira División na tempada 1936-1937, e destacan as súas campañas entre finais da década de 1940 e principios de 1950, especialmente na tempada 1947-1948, en que obtivo o seu mellor posto (4º) na máxima categoría. Entre as décadas de 1960 e 1980 converteuse nun equipo moi irregular e xogou principalmente na Segunda División. Posteriormente, na década de 1990, obtivo algúns dos éxitos máis importantes da súa historia, sobre todo na Primeira División da Liga española. Xogou 41 tempadas en Primeira División, foi finalista da Copa do Rei en 3 ocasións (1948, 1994 e 2001), participou na Copa da UEFA e na Copa de Europa (2003-2004), e conseguiu diversos campionatos galegos e o primeiro título europeo para Galicia, a Copa Intertoto (1999), que tamén lle serviu para xogar en Europa. A sección de baloncesto feminino conseguiu catro títulos da Copa da Raíña (1981, 1982, 1984 e 2001) e cinco ligas (1976-1977, 1978-1979, 1981-1982, 1998-1999 e 1999-2000). En 1996 creou a Fundación Celta de Vigo e en 1999 o Museo Deportivo del Real Club Celta de Vigo. |
     
© 2008 Ir Indo Edicións. Todos os dereitos reservados.
|
| 
Escudo do Real Clucb Celta.
Xiadeiros do Real Club Celta.
Equipación do Real Club Celta
Himno do R. C. Celta de Vigo
|
| |
|
|
|
.jpg){kind=small}
71%
29%
