|
| Atope a información que precise utilizando o buscador avanzado da EGU.ES, escriba a palabra que desexe e prema o botón ''Buscar'', a páxina encontrará toda a información contida nas máis de 200.000 entradas da EGU. Tamén poderá buscar partindo de entradas en portugués, castelán, inglés ou alemán picando debaixo do buscador no idioma correspondente. Graciñas.
. Facendo dobre click sobre calquera palabra da enciclopedia verá a súa definición mediante o digalego.com. | |
|
|
     | esqueleto 
(<gr óêåëåôüò ‘desecado’) | |
| 1 | s m
| |
1 | ANAT Conxunto de pezas duras e resistentes que
protexen as partes brandas do corpo dalgúns animais e lles serven de soporte.
Hai dous tipos fundamentais de esqueletos: o interno ou endoesqueleto e o
externo ou exoesqueleto. Entre os principais exoesqueletos destacan os dalgúns
protozoos, como os dos froaminíferos, radiolarios e amébidos, con cuncha,
formados por carbonato de calcio, sílice e distintos materiais,
respectivamente; os dos corais ou outros cnidarios coloniais, de soporte e
protección; a cuncha dos moluscos que serve case exclusivamente de protección;
e o dos artrópodos, composto por unha serie de placas independentes e
articuladas que cobren todo o corpo e lles confiren unha gran mobilidade. Tamén
se atopan exoesqueletos en distintos peixes, como o cabaliño de mar ou as
agullas, nos réptiles quelonios e crocodilos e nalgúns mamíferos, como o
armadillo. O endoesqueleto atópase nalgúns protozoos rizópodos e forma o
soporte interno dos poríferos ou esponxas, nos que está formado por espículas
calcarias ou silícicas ou por esponxina, e dalgúns cnidarios antozoos. Nos
equinodermos o endoesqueleto, que está recuberto só por unha fina cutícula,
está formado por un conxunto de placas independentes, que son fixas nos ourizos
de mar, reducidas a pequenos grans nas holoturias, ou articuladas e inmóbiles
no resto. Nos cefalocordados o esqueleto está formado pola notocorda, eixe
fibroso que se estende ó longo de todo o corpo, dorsalmente respecto ó tubo
dixestivo e ventralmente respecto ó cordón nervioso. Nos vertebrados o
esqueleto interno óseo ou cartilaxinoso está formado pola columna vertebral,
eixe dorsal que ocupa o lugar da notocorda, polo cranio, caixa cefálica que
envolve os centros encefálicos, polo ósos dos membros, que os aguanta, e polas
cinturas pelviana e pectoral, que une os ósos dos membros á columna vertebral.
A partir dos réptiles preséntase tamén unha caixa torácica, formada polas
costelas e o esterno, que protexe os pulmóns e o corazón. |
| |
2 | Conxunto de ósos dun vertebrado morto. |
|
| 2 | s m Persoa que está extremadamente delgada. |
| 3 | s m
| |
1 | Estrutura ou parte interna de algo. |
| |
2 | Estrutura interna dun edificio. |
|
| 4 | s m Esquema ou bosquexo previo que se fai de algo. SIN: esbozo Ex: Só fixen o
esqueleto do debuxo. |
| 5 | s m BOT Nervadura foliar que resta unha vez destruído o mesofilo e as epidermes por
descomposición. |
| 6 | s m XEOL Elementos da rocha nai non transformados que se localizan nun solo. Os solos
ricos neles denomínanse solos esqueléticos. |
|
|
     
© 2008 Ir Indo Edicións. Todos os dereitos reservados.
|
| | 
Esqueleto dun Leon.
O esqueleto de diferentes animais
Esqueleto
|
|
.jpg){kind=small}
71%
29%
